"ЖАВХЛАНТ ГОВЬ ИНВЕСТМЕНТ" компани санаачлан, Өмнөговь аймгийн Ханбогд сумын ЗДТГ-тай хамтарч хортой хог хаягдлыг цуглуулж, газрын хөрс, усны бохирдлоос сэргийлэх зорилгоор хаягдал батарейг цуглуулах аяныг зохион байгуулан ажиллаж байна.
Ханбогд сумын сургуулиудын удирдлагуудтай уулзаж тухайн аяныг үр дүнтэй зохион байгуулах талаар ярилцсан бөгөөд хүүхдүүдийн хичээл сургалт, хаврын шалтгалт зэргийг харгалзан тодорхой үе шаттайгаар хэрэгжүүлэхээр боллоо. Мөн Ханбогд сумын нийт иргэд болон сурагчдад мэдээлэл хүргэхээр Ханбогд.мн ажиллаж байна.
Цаашдаа энэхүү аяныг үргэлжлүүлэн өргөжүүлэх төлөвлөгөөтэй байгаа.